Biktima sang hit and run, kritikal sa ospital

ROXAS CITY –  Yara sa kritikal nga sitwasyon ang 51-anyos nga lalaki matapos nabiktima sang hit and run sa Sitio Banta-aw, Barangay Cogon, Panit-an, Capiz.

Ginkilala ang biktima nga si Jonie Fasoy nga nag-angkon sang kasamaran sa lawas.

Nahibaluan nga nagalakat pauli ang biktima sang aksidente ini nga mabungguan sang tricycle nga nagaduag yellow.

Ginlagas pa sang mga nakasaksi sa aksidente ang driver sang tricycle, apang madasig ini nga nakapalayo.

Samtang gilayon nga gindala sa Bailan District Hospital ang biktima, agud madapatan sang nagakaigo nga pagbulong.