ROXAS CITY l Gintuad sang utod sang biktima nga ginkawatan sa syudad sang Roxas nga indi ini ang una nga bes nga nabiktima ini sang ginakabig gabunan nga kawatan sa syudad sang Roxas.
Suno kay Eric Hierro, utod sang biktima nga si Edelyn Hierro, ginpahayag sini nga sadtong bulan sang Enero nabiktima man ini ni alyas “Gina” kag nataban man sini ang cellphone kag kwarta apang wla na mabawi pa.
Apang kagaina lamang, takna alas 5 sang aga subong nga adlaw natabo ang wala nila ginalauman kag nataban ni alyas “Gina” ang sling bag nga may sulod nga kwarta nga nagabalor sang P90,000 kag mga importante nga mga ID’s kag ATM Cards.
Pahayag sini nga ginsulod ni alyas “Gina” ang kwarto sang iya nga utod samtang ini sila ang nagakatulog.
Natalupangdan nalang sang amay sang biktima nga nagguha sa likod nga bahin sang ila nga balay ang suspetsado kag naglumpat sa pader sang eskwelahan.
Didto na kag ginhulat nila ini nga makaguha apang nakit-an nalang nila ini sa sulod sang CR nga nagapanago rason nga ila ini gindakop.
Dugang pa ni Hierro nga igo sa sin ang samad nga naangkon sang suspetsado sa pagpanginpadlos nga makapalagyo siya ini ang gindakop sang mga residente sa lugar.
Yara na lamang sa kapin P60,000 ang narekober sa suspetsado kag padayon pa nga ginapangita ang iban nga kwarta, mga ID’s kag ATM Card.
Sa karon, nagapabilin sa karsel sang Roxas City Police Station si alyas Gina para sa nagakaigo nag disposisyon.
