Biktima sang pagpangluthang sa Barangay Cogon, Panay, Capiz, ginbawian sang kabuhi samtang ginabulong sa ospital

Nagapabilin nga at-large ang suspek sa pagpangluthang sa isa ka lalaki sa Barangay Cogon, Panay, Capiz.

Ang biktima amo si alyas “Nando”, 61-anyos kag residente sang nasambit nga lugar.

Sa interview sang Bombo Radyo kay Police Captain Eric Deocampo, Officer-in-charge sang Panay Municipal Police Station iya ginpahayag nga base sa inisyal nga imbestigasyon ginluthang ang biktima sang wala pa mahibaluan nga klase kalibre sang armas-luthang.

Suno kay Deocampo, ginbawian sang kabuhi ang biktima samtang nga ginabulong sa ospital.

Sa subong, padayon pa ang imbestigasyon sang kapulisan agud matumod ang motibo kag identity sang suspek.