Ginpabilib sang P-pon group nga BINI ang mga Japanese audience kasunod sang ila makasaysayan nga debut sa Summer Sonic 2026 sa Osaka, Japan.
Nagsaka sa Mountain Stage ang walo ka miyembro sang grupo nga sanday Aiah, Mikha, Sheena, Maloi, Stacey, Jhoanna, Colet, kag Gwen.
Ginbuksan sang BINI ang ila pasundayag paagi sa “Cherry on Top,” nga ginsundan sang “Zero Pressure,” “Out of My Head,” “Blush,” “Step Back,” kag “Sugar Rush.”
Ginpasundayag man nila ang “Born to Win” kag ang Filipino-Japanese nga version sang “Salamin, Salamin” antes nagtapos sa ila hit song, nga “Pantropiko.”
Natalana naman nga mag-perform liwat ang BINI sa Tokyo leg sang Summer Sonic sa Agosto 16.
Samtang, kabahin man sang lineup ang P-pop boy group nga SB19, nga natalana nga mag-perform sa festival sa Agosto 15 kag 16.
