Indi na luyag pa nga magpaukoy sang matuod kag biological mother sang kontrobersiyal nga personalidad nga si Chloe San Jose, partner ni two-time Olympic gold medalist Carlos Yulo, matapos maulamid ang pribado kag malinong nga kabuhi bangud sa mga nagalupok nga isyu sa tunga ni Chloe kag pamilya Yulo.
Mahibaluan nga sumugod naguha ang isyu nga indi bet sang pamilya ni Caloy si Chloe ilabi na sang iloy sini nga si Angelica Yulo, wala na matapos-tapos ang pag-intriga sa iya kag naulamid na ang iya pamilya.
Dugang pa nga ginapadalman sang mga netizen kung sin-o ang mga ginikanan nga nagpadako kay Chloe agud maghaboy sang mga masakit nga tinaga sa ginikanan sang iya nobyo.
Suno sa iloy ni Chloe nga si Maria Fe San Jose ukon “Marie”, agud klaruhon ang mga isyu nga ginahaboy sa iya kag sa anak bangud naulamid na ang mga menor de edad sini nga mga kabataan pinaagi sa iya legal counsel kag spokesperson nga si Atty. James Mark Padrones Ciudadano.
Isa-isa nga ginsabat sang legal counsel ang mga isyu sang iya kaniyang kliyente sumugod nangin mainit ang pangalan sini kadungan man sa pagkilala sang pangalan ni Caloy subong man ang isyu sa pamilya sini
