Masobra 81,000 ka illegal vape pods nga may masobra P543 million nga tax liabilities ang nakumpiskar sang Bureau of Internal Revenue (BIR).
Sa isa ka pahayag sang Huwebes, ginpahayag sang BIR nga ang mga ginadumilian nga vape products ang nakumpiskar sa isa ka joint enforcement operation upod sa National Bureau of Investigation sang Mayo 8 sa isa karesidential compound sa Marilao, Bulacan.
Sa sulod sang garahe sang gin-raid nga balay, nakumpiskar ang 406 ka master cases nga may unod nga ginabanta 81,200 ka vape pods nga may brand nga “TEAM PAPA”.
Suno sa BIR, natukiban nga wala sang mandatory BIR-issued excise stamps ang mga vape products nga isa ka paglapas sa National Internal Revenue Code of 1997.
Gin-engganyo niya ang publiko nga ireport ang mga retailer kag reseller sang mga ginadumilian nga mga produkto sang vape paagi sa paghatag sang ila mga ngalan kag eksakto nga mga lokasyon, subong man ang mga ilegal nga pagbaligya sang vape nga ginpatigayon online, lakip ang mga link sa website.
