Ginpahanumduman sang Bureau of Internal Revenue ang mga kandidato subong nga eleksyon nga siguruhon nga indi pagkalipatan ang insakto nga pagbayad sang buwis.
Suno kay Bureau of Internal Revenue (BIR) Commissioner Romeo Lumagui, Jr. ,kinahanglan nga mag isyu ang mga kandidato sang ila mga resibo para sa ila nga ginagamit nga donasyon, campaign materials, kag iban pa nga galastusan sa pagpangampanya.
Ginhimu sang opisyal ang panawagan kadungan sang pagsugod sang campaign period sa pungsod para sa 2025 midterm elections.
Suno kay Lumagui, kinahanglan nga magbutang ini sang withhold tax sa ila nga mga kapartner nga supplier para sa ila mga campaign posters kag advertisement.
Ginpahayag naman sang opisyal, paglapas sa tax code ang pag-isnab sa pagbayad sang buwis .
Ginsiguro sang opisyal nga ma-usisa nila kag mabantayan ang mga tax compliance sang mga social media influencer nga matumod nga mag-endorso sang kandidato subong nga eleksyon.
