Nag-anunsyo ang Bureau of Internal Revenue nga nakabaton na ini sang clearance halin sa Department of Justice agud magsaka sang 44 ka criminal cases batok sa ginatawag nga “BGC Boys,” nga ginkabahin sang mga anay opisyal sang DPWH nga sanday Jaypee De Leon Mendoza, Henry C. Alcantara kag Brice Ericson D. Hernandez.
Suno sa BIR, ang tatlo may kabug-usan nga tax liabilities nga nagalab-ot sa masobra P1.68 bilyon matapos makita sa imbestigasyon ang dako nga diperensya sa ila ginpahayag nga income kag aktuwal nga mga ginastos.
Gamit ang expenditure method, natukiban sang ahensya ang gin-alegar nga wala natalana nga kita kag kakulangan sa pagsumiter sang tax returns sa nagkalain-lain nga tuig. Bangud sini, nakita sang DOJ nga may probable cause agud kasuhan ang mga nasambit nga personalidad sa idalom sang National Internal Revenue Code.
Ginpahayag naman ni Charlito Martin R. Mendoza nga ang pagsaka sang kaso nagapakita sang padayon nga pagpatuman sang BIR sang patas, mahugot kag nagakaigo sa proseso nga pagpatuman sang mga balaod sa buhis sa pungsod
