MANILA, Philippines – Ginpakigbahin sang Bureau of Internal Revenue “BIR”, ang ila target nga koleksyon sang Mayo matapos ang ginpalawig nga filing sang annual income tax returns.
Sa pahayag sang BIR naglabaw liwat sa ila target sa pagkolekta sang Mayo, nga nakatipon sang P279.1 bilyones nga kita kasunod sang pagtapos sang ginpalawig nga tuigan nga income tax return filing season.
Suno pahayag sang ahensya, nag-abot sa P279.135 bilyon ang kabug-usan nga koleksyon sang BIR sang Mayo, mas mataas sang 14.15 porsyento kumpara sa P244.5 bilyon nga nakolekta sa amo man nga bulan sang nagligad nga tuig.
Ginpahayag man sang BIR nga nalampuwasan nila ang ila target para sa Mayo sang P78.22 milyon.
Ang maayong performance sang ahensya ang nasundan sang pagpalawig sang deadline para sa pagsumite sang annual income tax returns hasta Mayo 15, sa baylo nga Abril 15.
Samtang, nag-abot naman sa P1.434 trilyon ang kabug-usan nga koleksyon sang BIR halin Enero tubtob Mayo sa sini nga tuig.
Dugang pa sa impormasyon nagsaka sang 5.49 percent kumpara sa pareho nga panahon sang nagligad nga tuig kag mas labaw sang P9.7 bilyon sa ila target.
Sa karon nahibaluan nga ang koleksyon sang una sa lima ka bulan sang tuig nagarepresentar sang 41.8 percent sang kabug-usan nga revenue goal sang BIR nga P3.431 trilyon para sa tuig 2026.
