Tuman nga ginkakibot sang isa ka pamilya sa Virginia, USA, matapos makit-an ang isa ka biscuit nga ginhimo pa sadtong 1940.
Palamangkutanon kung ngaman naglab-ot sa 84 tuig nga nagdugay sa ref ang nasambit nga pagkaon.
Suno sa uploader nga si Andy sang Staunton, nakit-an nila ang biscuit sa freezer sang ila Lola nga nagtaliwan na.
Matapos tinluan sang ila pamilya ang puluy-an sang ila Lola, nakit-an sini nila ang biscuit kag note nga : “Biscuit made by Mrs. Dara L Chambers in August 1940 at the Blankenship home.”
Pahayag sang pamilya nga wala sila nakahibalo kung anu ang rason nga mas ginpilin na lamang nga taguon ang amu nga biscuit sa madugay nga panahon sa baylo nga kaunon.
Sa karun nagapabilin sa gihapon sa amu nga freezer ang biscuit sang ila nagtaliwan nga Lola.
