Roxas City – Tuyo kun tani nga kawaton sang ginapahayag menor de edad ang isa ka bisekleta nga naga duag yellow sa Barangay Lanot, sining syudad kagab-i Marso 12, 2023.
Sa interview sang Bombo Radyo kay Punong Barangay Reynaldo ‘Totong’ Tuazon, ginpahayag sini samtang nagaronda sila kaupod ang mga Barangay Tanod sa ila lugar may nakita sila nga isa ka bata nga lalaki nga nagatulod sang bike kag sang ginpamangkot nila ini kun iya gid man bala ang bike didto na kag nag-ako ini nga indi ini iya.
Bangud sini, gilayon nga ginkuha sang isa sa mga Barangay Tanod kag ginpakamaayo nga dal-on na lamang ini sa ila Barangay Hall.
Nagapati man si Tuazon nga kun wala ini nila na-aktuhan natigayon nga makuha ang bisekleta.
Sa karun, nagapanawagan ini nga kun sin-o man ang tag-iya sang nasambit nga bisekleta magpadulong lamang sa ila talatapan agud kumpirmahon ini kag makuha.
