Naapektuhan sang malain nga tyempo ang biyahe kag schedule ni Presidente Ferdinand Marcos Jr., subong nga adlaw.
Nahibaluan nga alas-10:00 kun tani subong nga aga yara na sa Romblon State University sa Odiongan, Tamblas, Romblon ang presidente agud managtag sang ayuda sa mga naapektuhan sang El Niño.
Apang, indi na ini makaabot sa gintalana nga oras bangud sa mabaskog nga pag-inulan nga naeksperyensyahan sa Romblon.
Suno sa Presidential Communications Office (PCO), posible nga magadiretso anay ang pangulo sa Puerto Princesa, Palawan.
Samtang, ginapamatyagan sang Malacañang kun igakansela ang biyahe ni PBBM sa Romblon.
Sa tion suno diri nga indi magbag-o ang sitwasyon, magadiretso na lamang ang pangulo sa Piddig, Ilocos Norte agud inagurahan ang bag-o nga rice processing center.
