ROXAS CITY – Kasubong nga natuon sa mahal ang mga pasahero nga buot magpadulong sa Iloilo bangud sa limitado nga unit sang L-300 van nga nagabiyahe.
Ginpahayag nga sa baylo nga makatipid natuon pa sa mahal ang pamasahe sang mga pasahero nga nagahingabot nga makapadulong sa Iloilo para sa pila ka mga transaksyon kag sa ila pagbalik trabaho, bangud magluwas nga limitado lamang ang unit, ang nagabiyahe nga JRN bus liner ang kutob lamang sa Astoga, Dumarao.
Nagapabilin nga wala pa sang biyahe ang Ceres bus liner sa Roxas kag Iloilo vice versa bangud sa kapaslawan sang tagdumalahan nga makakuha sang special permit gikan sa Land Transportation Franchising and Regulatory Board (LTFRB) nga isa sa mga rekisitos agud makapadayon sila sang operasyon.
Ginpahayag ni Sandy Cachuela, admin officer sang Roxas City Intagrated Transport Terminal nga ginahulat pa ang admin manager sang Vallacat Transit Inc., nga si Janice Original nga amo ang magadala sang special permit kay Mayor Ronnie Dadivas.
Pananglitan nga ma-comply sang tagdumalahan sang bus company ang special permit, mahimo na nga makabiyahe ang ila mga bus sa Roxas City.
