ROXAS CITY – Pigado sa gihapon ang biyahe sang mga jeepney sa Ivisan-Roxas City vice versa matapos nga nagbalik na sila sa ila operasyon humalin sang Lunes nga adlaw.
Ginpahayag sang operator/driver kag presidente sang FILJODA nga si Mr. Randy Togon nga anum lamang sa napulo ka mga units sang jeepney ang nagabiyahe bangud padayon pa nga gina-comply sang tatlo ka mga operators ang pila ka mga rekisitos nga kinahanglanon.
Hugot man nga ginapatuman ang pila ka mga safety protocols kasubong sa paggamit sang alcohol ukon sanitizer sang mga pasahero antes sila magsaka sa jeep agud malikawan ang COVID-19.
Hugot man nga gina-obserbar ang physical distancing sa diin onse na lamang ka mga pasahero ang mahimo nga makasakay.
May yara man sang passenger manifest ang mga jeepneys sa diin nalista ang pangalan, address kag contact number sang mga pasahero.
Aminado man si Togon nga may pagsaka nga gamay sa ila nga pamasahe, apang wala man sila sang nabaton nga reklamo gikan sa ila mga pasahero, bangud naka-intiende sila sa sitwasyon.
