Ginpalawig sang Philippine Airlines (PAL) ang suspension sang flights sa Manila-Riyadh nga ruta tubtub sa Nobyembre 29 bangud sa indi maayo nga sitwasyon sang seguridad sa King Khalid International Airport sa Saudi Arabia.
Sakop sang suspension ang flight PR654 gikan sa Manila pakadto sa Riyadh kag ang return flight PR655, samtang padayon naman ang monitoring sang airline sa mga developments agud masiguro ang safety sang mga pasahero kag crew.
Matandaan nga una na nga ginsuspende sang PAL ang nasambit nga mga flights sang Oktubre 8 kasunod sang pag-atake sa King Khalid International Airport sa Riyadh kag Abha International Airport sang Oktubre 7.
Samtang, wala pa gintumod sang PAL kun iga-extend man sini ang suspension sang flights sa iban pa nga destinasyon sa Middle East, gani ginapanugyanan ang mga pasahero nga makig-angot sa airline para sa pinakaulihi nga mga pahibalo.
