TAPAZ, CAPIZ – Patay ang isa ka biyudo matapos naghikog sa sulod mismo sang ila nga balay sa Barangay Poblacion, Tapaz, Capiz.
Ginkilala ang biktima nga si alyas Gerald, 36 anyos, residente sang nasambit man nga lugar.
Mahibaluan nga naabtan na lamang ang biktima sang iya nga utod nga isa ka manunudlo gikan sa eskwelahan nga wala sang kabuhi sa sulod sang ila nga balay.
Nakabitay ang biktima gamit ang ginsugpon nga straps sang bag.
Nahibaluan nga una na nga nagtuyo nga maghikog ang biktima sadtong Oktubre 2019 apang nasalbar ini sang iya nga pamilya.
Ginapatihan nga depresyon ang rason sang pagpanginmatay sang biktima.
Wala naman sang plano ang pamilya nga ipaidalom sa autopsy examination ang bangkay sang ila himata bangud kumbinsido man ang mga ini nga wala sang foulplay sa kamatayon sang biktima.
