Nagapadayon ang imbestigasyon sang Bureau of Jail Management and Penology (BJMP) Region 6 angot sa ginaalegar sexual harassment sang isa ka jail officer sa Roxas City sa isa ka estudyante sang Hunyo 28 sa sulod sang CR sa isa ka mall sa nasambit nga syudad.
Sa interview sang Bombo Radyo kay Jail Chief Insp. Juniven S. Umadjay, spokesperson sang BJMP 6, iya ginpahayag nga gina-id-id sang ila talatapan ang pag-imbestigar sa Jail Officer nga si alyas Jun matapos sang reklamo kag post sa social media ni alyas Kyle.
Suno kay Umadjay, kabahin sa protocol sang BJMP ang pagkuha sang bahin sang ila nga personnel kag amo man ang sa tagreklamo para sa patas nga imbestigasyon.
Pahayag pa niya, nga mahimo may yara sang wala pag-intindihanay bangud gintuad sang jail officer nga nagpamangkot lang ini sa estudyante kung may yara ini sang tissue apang nakibot na lang ini sang ginakuhaan na siya sang video sang tagreklamo.
Bukas man ang opisina sang natungdan sa pagbaton sang anuman nga reklamo sa diin tubtob sa subong wala pa sila may nabaton nga pormal nga reklamo batuk sa jail officer.
