Black box sang eroplano nga nagtibusok sa Brazil, gina-imbestigahan na

Ginsuguran na nga imbestigahan ang black box sang nagtibusok nga eroplano nga voepass flight 2283 sa Brazil.

Mahibaluan nga nagaunod ini sang voice recording kag flight data.

Indi man matumod sang mga otoridad kun anu ang rason sang plane crash bangud wala sila sang na-detect nga anuman nga emergency report nagikan sa eroplano.

Matandaan nga wala sang nakaluwas sa masobra 60 nga pasahero sang nasambit nga eroplano matapos nga nagtibusok ini.