Gin-akusaran sang Malakanyang si Vice President Sara Duterte nga may pagka-bayolente.
Ini ang sabat ni Palace Press Officer Undersecretary Atty. Claire Castro sang pamangkuton sa ila nga reaksyon angut sa pahayag ni Duterte nga gusto niya sang “bloodbath” ukon pag-agay sang dugo sa iya nga impeachment trial.
Nagalaum naman si Castro nga figure of speech lamang ang pahayag sang Bise Presidente.
Pahayag niya nga kun amo ang luyag sang Bise Presidente, tugutan na lamang ini bangud magaangkon sang debatehanay sa sa impeachment trial.
Pahayag pa ni Castro nga indi maghilabot ang President angut sa nasambit nga isyu.
Ginalauman naman nga magasugod na sa Hulyo 30 ang impeachment trial ni Duterte.
Nag-ugat ang reklamo sa Bise Presidente sang Kamara bangud sa indi mapaathag nga paggamit sang confidential funds kag iban pa nga isyu.
