Magagtutok ang Senate Blue Ribbon Committee sa ginaalegar substandard kag palpak nga public works projects sang gobyerno, kasunod sang mga imprastraktura nga naguba pagkatapos sang pag-ulan kag bagyo.
Suno kay Senate Blue Ribbon Committee Chairman Erwin Tulfo, kabahin ini sang mas malapad nga imbestigasyon sa alegasyon sang korapsyon sa mga proyekto sang gobyerno, lakip na ang mga taytay, dalanon kag iban pa nga mga pasilidad.
Lakip sa ginatutukan amo ang pagkaguba sang retaining wall sa EDSA-Ayala northbound sa Makati City.
Ginpakamalaut man ini ni DPWH Secretary Vince Dizon matapos nagguwa ang report nga hardiflex ang gingamit sa naguba nga parte.
Gin-athag ni Tulfo nga indi lang flood control projects ang pokus sang komitiba kundi pati na ang iban pa nga alegasyon sang korapsyon sa nagkalain-lain nga ahensya sang gobyerno.
