ROXAS CITY – Luyag karon mahibaluan sang Sangguniang Panlalawigan ang plano sang executive department sa nabilin nga P24 milyones nga gikan sa P40 milyones nga pondo nga ginpa-in para sa Roxas Memorial Provincial Hospital sang 2019.
Ini ang nangin reaksyon ni Board Member Jonathan Sonny Besa, chairman sang Committee on Aproppriation sang Sangguniang Panlalawigan matapos naobserbahan nga gin-una pa patahum sang Contreras administration ang atubang sang RMPH gamit ang nasambit nga pondo.
Suno kay Besa ginpa-in ang pondo para gamiton sa re-wiring sa RMPH, 3 storey building sang ospital kag pagbakal sang importante nga kagamitan sa ospita agud mahatagan sang maayo nga serbisyo ang mga pumuluyo.
Ginkwestyon man ni Besa ang nangin tikang sang ehekutibo nga gin-una sa pagpatahum ang guha sang ospital, sa baylo nga gamiton ini sa pagbakal sang mga kagamitan nga kinahanglanon sa ospital.
Samtang nagapati si BM Besa nga wala sang problema sa pagpa-reconvene sa Provincial Development Council bangud mismo ang gobernador ang bukas man sa rekomendasyon sang Sangguniang Panlalawigan.
Apang ba-se sa impormasyon nga nakalab-ot sa board member nga may isa lamang ka tawo nga nagapamalabag para magreconvene ang PDC agud mapapasar na ang Annual Investment Program (AIP) 2020.
