ROXAS CITY –Ginbali sang chairman sang Committee on Education sa Sangguniang Panlalawigan ang ginbuy-an nga pahayag sang provincial administrator nga wala sang exit plan sa existing scholars.
Ginpahayag ni Board Member Thea Faith Reyes nga bulan pa lamang sang Nobyembre may ginpapasar na nga resolution ang provincial board angut sa madangatan sang existing scholars sa idalum sang administrasyon ni anay Governor Antonio del Rosario.
Suno kay Reyes nga klaro sa exit plan, ang nagsulod nga mga scholars sang 2019 ang responsibilidad kag commitment sa gihapon sang gobyerno probinsiyal nga dapat bayaran.
kinahanglan lamang nga magpaidalum sila sa bag-o nga scholarship ordinance.
Sa mga existing scholars naman humalin sa 2nd year onwards, padayunon sang gobyerno ang pagbayad sa ila tution fee tobtob nga maka-graduate sila.
Gani suno sa board member nga ang ginasiling ni Dr. Edwin Monares nga wala sang kuwarta nga ibayad sa tuition sang mga scholars sang school year 2019-2020 ang wala kamatuoran bangud sang Oktubre 2019 may ginpapasar na nga appropriation ordinance, amo man sang bulan sang Septiembre, Oktubre kag Nobyembre nga aprubado na ni Governor esteban Evan Contreras II.
Gintawag man ni BM Reyes si Monares nga manugpatalang bangud ang gintumod nga rason sini nga wala sang kuwarta nga ginpa-in sa mga scholars rason nga wala maproseso ang balayaran sa tuition fee
Samtang ginpasiguro man ni Reyes ang publiko labi na sa mga scholars nga may pondo nga gin-aprubahan ang provincial board nga ginpa-in sa tuition sang mga scholars nga handum maka-eskwela.
