ROXAS CITY – Plano sang chairman sang Committee on Agriculture sang Sangguniang Panlalawigan nga magpapasar sang resolution nga gina-address kay President Rodrigo Duterte, Criminal Investigation and Detection Group (CIDG) kag National Bureau of Investigation (NBI) para mag-intervene sa ginaalegar pagkidnap sa CEO sang Double your Money Investment Scheme.
Ginpahayag ni Board Member Ricky Martin nga kinahanglan makalab-ot na sa malakanyang ang isyu angut sa ginaalegar pagkidnap sa kontrobersiyal nga si Patroceño Don Chiyuto bangud indi lamang basta kidnapping ang involved diri kundi isa ini ka scam kag linibo nga mga Capizeño ang na-biktima sang double your money investment scheme.
Suno sa opisyal nga indi lamang ginatus nga kuwarta ang nakuha ni Chiyuto sa mga investors kundi bilyones nga investments ang ginsalig sa iya sang mga investors nga naglaum nga ma-doble ang ila ginpay-in.
Luyag man ni Martin nga ma-imbestigahan sang CIDG kag NBI ang insedente.
Aminado si BM Martin nga mabudlay patihan ang nagviral nga CCTV footage sang ginaalegar pagkidnap kay Chiyuto bangud kabahol kag kasubong scripted ang natabo.
Apang bilang isa ka katoliko, ginapangamuyo sini kun matood nga ginkidnap si Chiyuto, wala lamang sang malain nga natabo sa iya.
Pinaka-importante sa karon nga mabalik ang ginpay-in sang mga investors bisan kapital na gid lamang bangud kadam-an diri ang makabig nga hard earned money, ginpangutangan kag gikan sa ginbaligya nga propedad ukon kasapatan.
Samtang nagapati si Martin nga ari pa sa Capiz ang kuwarta nga gin-invest sang mga investors.
