ROXAS CITY – Nagpanindugan ang isa pa ka board member nga indi mag-upod sa Davao City para sa Strategic Planning seminar kag Executive Legislative Agenda (ELA).
Suno kay BM Weldie Apolinario nga wala sang rason para mag-upod ini kun indi man lamang makaupod ang ila legislative officer nga si Vice Governor James Mitang Magbanua nga nagsiling may yara ini sang prior commitment.
Ginpahayag sang opisyal nga importante ang nasambit nga aktibidad agud mahibaluan ang mga good practices kag implementasyon sang mga proyekto sang isa ka lugar.
Pagatun-an man ini nga mga programa agud matul-id kun aplikable ini sa probinsiya sang Capiz.
Aminado ini nga indi siya pabor sa plano nga pagpadulong sa Davao City bangud magluwas nga malayo ang lugar magadugay pa ini sang pila ka adlaw.
