ROXAS CITY – Nagpabutyag sang iya kalain sang buot sa iya privilege speech si Board Member Karen Palomar sa ginpatigayon nga session sang Sangguniang Panlalawigan.
Ini matapos nga nabatian sini sa isa ka radio station ang malain nga mga pahayag ni Board Member Mateo Hachuela batuk kay Palomar.
Suno kay Palomar nga kasubong wala sang kinamatarong si Hachuela nga magbuya sang pahayag angut sa iya nga personal nga kabuhi kag pagpabulong sini sa ospital nga kasubong ginhimo nga palataw-an.
Bangud diri, ginpatpat ni Palomar ang kaungdan sang iya nga privilege speech sa nasambit nga session.
Mahibaluan nga may kaangtanan ini sa pagpasakop sa session ni Palomar samtang yara sa ospital.
Apang, ginpahayag sini nga bilang isa ka public servant gintinguhaan sini nga maislan ang iya hospital gown sang formal attire para makapamati sa amo nga session.
Samtang, naghinyo naman si Palomar kay Vice Governon Jaime Mitang Magbanua bilang presiding officer sang Sangguniang Panlalawigan nga kuntani mauntat na ang pagpakalain ukon pagpakamalaut sang iban nga mga board members.
