ROXAS CITY – Paga-imbitahan sang tagdumalahan sang Philippine Coast Guard – Capiz Station ang boat captain sang motorbanca nga nagkulob sa baybayon nga bahin sang Mantalinga, Barangay Baybay, Roxas City.
Sa interview sang Bombo Radyo kay Commander Joe Luvis Mercurio, PCG-Capiz Chapter, nga igapatawag niya ang boat captain kag pagasumiteron sang nagakaigo nga legal nga mga dokumento sa ila pagpadulong sa isla sang Olotoyan.
Matandaan nga may 15 ka mga sakay ang motor banca sang nagtaob ini sa nasambit nga baybayon kaupod ang 6 ka mga crews.
Nahibaluan nga nagpadulong ang mga ini sa isla sang Olotoyan agud mag Island hopping kag sa ila pagpauli sa Roxas City, nag-agi ang mabaskog nga balud nga gintunaan sang pagkakulob sang nasambit nga sakayang pandagat.
Masuwerte nga naluwas ang mga ini sa posible pagka-lumos.
