Ginpatawag ni Finance Sec. Ralph Recto ang mga opisyal sang Bureau of Internal Revenue (BIR) kag Bureau of Customs (BOC) para sa isa ka Command Conference.
Ini agud hibaluon ang performance sang koleksyon sang mga ahensya kag isturyahan ang mga plano agud malab-ot ang target para sa tuig.
Ang preliminary data sumugod Enero tubtob Hulyo 2024 ang nagapakita nga ang BIR ang nakakolekta sang PHP 1.68 trilyon, nga nakapagrehistro sang mas o menus 13% nga pagtaas nagikan sa pareho nga panahon sadtong nakaligad nga tuig.
Ang koleksyon sang BOC ang nag-umwad man sang mas o menus 6.0% sa P536.42 bilyon para sa Enero tubtob Hulyo 2024.
Sa karon, ginpabaskog na sang BIR ang pagpatuman sang mga digitalization program, kun sa diin pasanyugon ang mga programa sini sa pagpatuman sang buwis, kag magalagas sa mga tax evaders.
