Nagpanawagan si House Assistant Minority Leader kag Gabriela Women’s Party Representative Arlene Brosas nga suguran na ang impeachment proceedings batuk kay Vice President Sara Duterte.
Suno kay Brosas, matapos nga malantad sa pagsinapol sang House Committee on Good Governance ang mga ginapahayag bogus nga mga resibo sa paggastos sang confidential funds sang Office of the Vice President.
Ang ginatumod ni Brosas ang nadiskubre nga 158 nga mga kwestyunable nga resibo kung sa diin palarehas ang ink signatures, mga sala ang petsa kag kaangay nga imbento ang mga pangalan.
Para kay Brosas, indikasyon ini sang large-scale fraud, corruption kag indi lang simple nga kaso ang documentation errors kundi pagplano nga pagtakop sa sala nga paggamit sang kwarta sang publiko.
Dugang pa sini nga ang kaangay sini nga fabrication sang official documents agud hatagan sang rason ang paggastos sa pondo isa ka pagpangdaya kag klaro nga korapsyon kag parehas nga impeachable offenses sa idalum sang Konstitusyon.
