Bombo Radyo nagdonate sang bulong sa CASAC

ROXAS CITY – Ginkalipay sang pamunuan sang Capiz Action Social Center ukon CASAC ang pagdonate sang mga bulong sang Bombo Radyo Roxas.

Suno Father Francisco Casalda, program manager sang CASAC nga daku nga bulig ang gin-donate nga mga bulong sang Bombo Radyo nga gikan sa excess ukon sobra nga bulong sa ginpatigayon nga Bombo Medico 2019 sang Hulyo 14, 2918.

Magamit ini nga mga bulong sa palaabuton nga mga medical mission sang CASAC sa pila ka mga kabaranggayan sa probinsiya sang Capiz.

Ginasalamatan man sang CASAC ang Bombo Radyo bangud sila ang napilian nga makabaton sang mga bulong sa diin ang ila benepisyaryo amo ang pigado nga mga Capizeño.