Pagamarkahan sang Bombo BOMBO RADYO PHILIPPINES ang anom ka dekada nga pagpangibabaw sa patag sang pagwaragwag paagi sa liwat nga pagpatigayon sang Top Level Management Conference umpisa subong nga adlaw, Enero 5 tubotb Enero 11, 2026, nga may tema nga “Bombo Radyo Philippines: Celebrating 60 Years of Media Excellence.”
Pangunahan sang Chairman nga si Dr. Rogelio M. Florete kag network President kag Chief Executive Officer Margaret Ruth C. Florete ang conference nga magatipon sang tanan nga station managers kag senior officers gikan sa 25 key areas sang Bombo Radyo Philippines network sa Iloilo City.
Ang week-long gathering magasentro sa strategic planning kag direction-setting samtang nagahulag ang network padulong sa makabig nga milestone sa pag-eksister sini.
Ang mga diskusyon ang magasentro sa innovation, public service, kag padayon nga commitment sa credible, responsable kag nagasentro sa serbisyo publiko nga pag-broadcast.
Bilang kabahin sa selebrasyon sang ika-60 nga anibersaryo, ginapabugal sang Bombo Radyo Philippines ang malaba sini nga listahan sang prestihiyoso nga awards nga nagakilala sang kalidad sa news reporting, public affairs programming, kag public service broadcasting.
Lakip sa mga kadalag-an nga ini amo ang back-to-back winner sang flagship nationwide program sang network nga Bombo Network News sa Catholic Mass Media Awards (CMMA) bilang Best News Program sang 2024 kag 2025. Ang FM counterpart sini nga Star FM, ang ginpangalanan naman bilang Best Entertainment Program sa sulod sang tatlo ka asud-asud nga tuig, humalin sang 2023 tubtob 2025.
Samtang, ang Bombo Radyo Iloilo, nga amo ang flagship station sang network, ang ginkilala bilang Best AM Station (Provincial) kag Best News Program (Provincial) sa 28th Golden Dove Awards (2025) sang Kapisanan ng mga Brodkaster sa Pilipinas (KBP).
Magluwas sa mga pagkilala sa industriya, ginpamatud-an man sang mga independent surveys ang kredibilidad kag pagsalig sang publiko sa network.
Ginakabig nga Most Trusted News and Information Source ang Bombo Radyo sa Radio category sang Philippine Information Agency’s National Survey on Media and Information Literacy of Filipino Youth sang November 202). Samtang, nagapanguna naman ang network bilang source sang mga balita kag impormasyon sa mga Filipino adults sandig sa OCTA Research sang Disyembre 2024. Consistent man nga nagapanguna ang Bombo Radyo sa quarterly Pahayag Survey sang Publicus Asia, Inc. sa idalom sang Most Trusted Media Outlets sa Radio category.
Ang ini nga mga pagpangibabaw ang sandig sa dedikasyon sang Bombo Radyo Philippines nga padayunon ang mataas nga standards sang broadcast journalism.
Ang conference liwat nga ginasiguro nga ang legasiya sang Bombo Radyo Philippines bilang nagapanguna nga network sa pungsod, nga nagapadalagan sang 32 fully digitalized AM/ FM stations nationwide, ang tuman nga nagapasalamat sa publiko. Tungod sa inyo, ang Bombo Radyo nagapadayon sa pagpanindugan sang kamaayohan sa patag sang broadcasting kag nagahatag sang balita kag serbisyo publiko nga wala sang may makatupong.
Basta Radyo, BOMBO!
