Madamo ang indi makapati nga sining nakaligad nga mga semana, tubtob anom ka mga mabaskog nga mga bagyo ang nagpanglaslas sa daku nga bahin sang pungsod.
Subong nga nagapangatubang sa aftermath sang kalamidad, nahibaluan ni Senate Committee on Health Chairman Senator Bong Go nga magluwas sa pisikal nga sakit, madamo sang mga Pilipino ang nakabatyag sang pagkasubo, depresyon kag iban pa nga sakit sa paminsaron.
Dugang pa diri ang mabudlay nga pagbangon sa kalamidad kun diin nga nagahilapit pa ang paskwa.
Kasunod sang serye sang mga hearing sa Senado kun sa diin liwat nga nasermunan ni Senator Bong Go ang PhilHealth bangud sa kakulangan sang mga benepisyo sini.
Liwat nga ginbanatan ni Senator Bong Go ang ahensya agud magtuman sa mga promise sini nga mas maayo nga benepisyo para sa mga pigado nga Pilipino kalakip na ang mental health services kasubong sang konsultasyon, psychosocial interventionsn kag mga bulong nga makabulig sa mga tawo nga may ginabatyag sa paminsaron.
Pahanumdom ni Senator Bong Go sa PhilHealth, kwarta sang pumuluyo ang pondo sini gani dapat lamang ibalik ilabi na sa panahon nga kinahanglanon ilabi na sang mga pigado.
Nagpanawagan naman si Senator Bong Go sa mga biktima sang kalamidad nga indi magpangduha-duha nga magpadulong sa mga ospital kag magpalapit sa pinakamalapit nga malasakit centers.
