Nagpaandam si former Senator Antonio Trillanes IV nga sunod na nga i-isyu ang arrest warrant sang International Criminal Court (ICC) batok kay Senador Bong Go.
Ini pagkatapos sang kumpirmasyon sang ICC nga ginpaguwa na ang arrest warrant kay Senator Ronald “Bato” dela Rosa sang Nobyembre 6, 2025.
Suno kay Trillanes, nakabaton siya sang impormasyon nga may posible man nga arrest warrant batok kay Go bilang kaupod ni former President Rodrigo Duterte sa mga kaso nga crimes against humanity, murder, kag attempted murder.
Dugang pa niya, wala pa ugaling sang kasiguraduhan suno sa iya kun san-o magaguwa ang arrest warrant.
Matandaan nga nag-alagad man suno sa iya si Go bilang lider sang “Special Operations Group” sa sulod sang “National Death Squad” ni Duterte.
Nahibaluan nga pareho sanday dela Rosa kag Go nga ginhingadlan na anay sang ICC bilang co-perpetrator ni Duterte, apang indi pareho kay dela Rosa, nagpabilin si Go sa mga sesyon kag wala ini nagpalagyo.
Magluwas kanday dela Rosa kag Go, ginapahayag nga posible man nga maisyuhan sang arrest warrant sang ICC ang isa pa ka anay hepe sang Philippine National Police nga si Oscar Albayalde.
