Ginabantayan na karon ang syudad sang Borongan sa Eastern Samar ang Barangay San Jose kag Siha, matapos naglapta ang report nga napatay ang madamo nga mga baboy nga ginapatihan tuga sang African swine fever (ASF).
Samtang ginrekomendar ang temporaryo nga lockdown sa duha ka barangay agud malikawan ang paglapta sang balatian. Naglab-ot na sa 127 ka mga baboy gikan sa 21 ka backyard farms sa Barangay San Jose ang napatay, samtang madamo man ang ginreport nga napatay sa Barangay Siha.
Sumugod Abril 22, ginadumilian na ang pagbaligya, transportasyon, kag pag-ihaw sang karne sang baboy sa mga apektado nga lugar. Hugot man nga ginabantayan ang mga kaiping nga barangay kaangay sang San Gabriel.
Apisar nga wala sang pamahog sa tawo ang ASF, padayon nga ginapahanumdom sang mga opisyal nga safe kaunon ang karne sang baboy halin sa apektado nga lugar.
Gina-engganyo ang mga manugsagod sang baboy nga magbutang sang disinfection areas kag limitahan ang pagsulod sang mga bisita sa farm.
