BPAT member ginpahayag nga natiruhan ang ginaalegar aswang

Ginkumpirmar sang isa  ka miyembro sang Barangay Peacekeeping Action Team ukon BPAT nga natiruhan sang mga residente ang gina-alegar ‘aswang’ nga nagpakita sa Mejorada Subdivision, Inzo Arnaldo Village Roxas City.

Suno sa BPAT member nga natiruhan sang mga residente ang gina-alegar ‘aswang’ matapos liwat nga nagpakita sa nasambit nga lugar.

Gindugang pa sini nga may yara sang nakit-an nga madamo nga dugo sa atup sa diin nakit-an ang aswang.

Samtang natalana naman nga ipadalum sa eksaminasyon ang narekober nga mga blood sample agud mapamatud-an kun dugo ini sang tawo ukon sa sapat.

Matandaan nga liwat nga ginpuhag ang mga residente sa Mejorada Subdivision Barangay Inzo Arnaldo Village sang liwat nagpakita ang gina-alegar aswang.