-- ADVERTISEMENT --
ROXAS CITY-Nagreklamo sa Roxas City Police Station 29-anyos nga branch manager sang isa ka establisyemento matapos nga nag-alegar nga ginkawat ang ila nga nakoleksyon nga kuwarta sa isa ka dako nga mall sa Pueblo De Panay, Barangay Lawaan Roxas City.
Sandig sa ginpabalhag sang tagareklamo nga ginkilala nga si Jean Molina residente sang Barangay Poblacion, President Roxas Capiz ginaalegar sini nga gintaban sang suspek nga si Wilma Cañanola ang kapin P27,200 nga ila nga koleksyon.
Gindugang pa sang tagareklamo nga nag-issue sang peke nga resibo ang suspek sa ila nga kustomer.
Wala gin-ako sang suspek ang nasambit nga alegasyon apang sang ulihe, matapos sang maid-id nga imbestigasyon, gin-ako sini nga gintaban sini amo nga kantidad.
