Makatilingala nga swerte ang nag-abot sa Brazilian football superstar nga si Neymar Jr. pagkatapos nga ginhingadlan siya nga nagaisahanon nga manugsubli sang isa ka bilyonaryo nga wala pa niya makilala.
Nagabalor sang kapin sa $1.14 billion ukon katumbas sang P64.6 billion pesos ang nasambit nga palanublion.
Suno sa report, isa ka wala ginhingadlan nga bilyonaryo nga wala sang manugsubli ang nagbilin sang iya bug-os nga manggad kay Neymar.
Ang last will and testament ang ginhimo nga pormal sa isa ka Porto Alegre kag napetsahan Hunyo 12.
Sa dokumento, gin-athag sang bilyonaryo nga ginpili niya si Neymar bangud sa iya personal nga pagdayaw sa atleta, apisar wala pa ang mga ini nakakitaay.
Partikular nga gindayaw sini ang amay ni Neymar, nga naga-remind sa iya sa kaugalingon sini nga amay.
Sa subong, wala pa sang komento si Neymar natuhoy sa mga ipanubli sa iya.
Ang Brazilian football star ang may yara sang net worth nga ginabanta $300 million ukon katumbas sang 16 billion peso.
