ROXAS CITY – Padayon ang pagpanglimpyo sang mga pumuluyo sa ila palibot sa Bayot Drive, Barangay IX sini nga syudad agud malikawan kag indi pa madugangan ang kaso sang Dengue sa nasambit nga lugar.
Sa paglibot sang Bombo Patrol 101 sa Barangay makit-an ang pila ka mga basura nga nagalapta nga basura sa kilid sang dalanon.
Sa pakig-angut sang Bombo Radyo kay Rose, suno diri padayon ang monitoring sang mga barangay officials sa sitwasyon sang ila Brgy. kag mismo nga mga health workers man ang nagahulag agud maglimpyo sa palibot.
Wala nagakalipat magpahanumdom ang mga opisyal sa mga pamaagi agud malikawan kag matapna ang balatian nga dengue.
Suno kay Rose, adlaw-adlaw siya nga nagapanglimpyo bangud kalahadlok ang maka-angkon sang nasambit nga balatian, apang may pila man sa gihapon nga mga pumuluyo ang nagahaboy sang basura sa dalanon.
