ROXAS CITY – Ginpalab-ot sang mga opisyales sang Barangay San Jose sining syudad nga wala napatay bangud nakainom sang tubig halin sa sapa ang mga karabaw apang hungod nga ginpatay ang duha ka mga sapat.
Suno kay Barangay Kagawad Joselito Cordovero nga sa iya pagpakig-estorya sa tag-iya sang karabaw, gintuad sa iya nga ginpatay ang duha ka mga karabaw bangud nagamasakit kag nagniwang.
Ginalantaw nga rason ni Cordovero nga posible nakakaon sang hilamon nga ginsprayan sang pesticide ang karabaw kag nag-inom sang tubig sa sapa nga gina-iligan sang water waste gikan sa sanitary landfill.
Nagapati si Cordovero kun kuntaminado ang tubig sa sapa wala kuntani sang may mabuhi nga mga isda.
Kumbinsido ang tag-iya nga posible nakakaon sang hilamon nga may pestisidyo ang mga karabaw , apang nagapati nga wala nakainom sang tubig halin sa sapa ang karabaw.
Una nga na-alarma ang mga residente sa Sitio Gumba bangud sa duha ka mga karabaw nga nagkalamatay nga una gina-alegar nakainom sang tubig sa sapa.
