(UPDATE) – Natalana nga pasakaan sang kaso nga paglapas sa Republic Act 10591 ukon Comprehensive Firearms and Ammunition Regulation Act, pinaagi sa inquest proceeding ang aktibo nga Barangay Kagawad sang Brgy. Jaena Sur, matapos ang ginpatigayon nga search warrant sang mga otoridad.
Matandaan nga ginkilala ang gin-aresto kay Brgy. Kgwd. Regie Eleuterio Ino, nga residente sang nasambit nga barangay.
Sa interview sang Bombo Radyo kay PLt. Danilo Matahom, OIC sang CIDG-Capiz, kapin tatlo ka semana ang ila monitoring sa arestado, matapos ang report sa Jamindan MPS batuk sa Kagawad nga ginaalegar nagpangtaya sang armas-luthang sa isa ka residente.
Bangud sini, ginpatigayon ang search warrant sang gintingub nga puwersa sang CIDG-Capiz, Jamindan MPS kag 602nd COY RMFB 6, kag nakuha sa posesyon ni Ino ang 1 ka unit sang calibre .45 pistol Armscor nga may duha ka magazine kag 16 tanan ka mga bala sang nasambit nga armas-luthang, kag 1 ka unit sang homemade shotgun nga may 2 ka mga bala.
Nagapanawagan man si Matahom sa mga pumuluyo sang Capiz nga i-surrender nalang ang ginahuptan nila nga mga indi lisensiyado nga armas-luthang agud malikawan nga maaresto.
