ROXAS CITY – Patay ang isa ka barangay kagawad matapos ginluthang sang riding-in-tandem sa Sitio Proper, Barangay Bago, Roxas City.
Ginkilala ang biktima kay konsehal Winnie Salazar, 53 anyos, residente sang Barangay Agdahon, banwa sang Cuartero.
Suno kay Police Senior Inspector Erica Apelyido, Deputy Chief of Police ng Roxas City PNP, sakay ang biktima sa iya motorsiklo sang ginalagas ini sang nagaduag pula nga motorsiklo sakay ang duha ka wala pa matumod nga mga persona kag gulpi na lamang ini nga ginluthang sang maka-apat ka beses gamit ang calibre .45 nga armas.
Gindala pa sa ospital ang biktima apang wala na ini matabangan kag ginbawian sang iya nga kabuhi.
Nahibaluan nga nagapauli na kuntani ang biktima matapos nga nagtambong sa hearing sa Roxas City Hall of Justice sa kaso may kahilabtanan sa nagluntad nga pagpangluthang sa Barangay Agdahon, Cuartero nga ginkadalahigan sang biktima.
Nahibaluan pa nga antes ginbawian sang iya nga kabuhi, nagtuad sang pangalan ang biktima nga iya ginatudlo nga suspetsado.
Ba-se sa pahayag sang biktima antes siya napatay, isa ka ‘certain’ Toto Degara ang yara sa likod sang nasambit nga insidente.
Narekober sa ginluntaran sang insidente ang apat ka mga basiyo sang calibre .45 nga armas.
Sa karon, ginapadalman pa sang mga kapulisan ang ila imbestigasyon agud matul-id ang motibo sa nasambit nga krimen.
