DUMARAO, CAPIZ – Narekober ang duha ka armas-luthang sa posisyon sang isa ka Barangay Kagawad sa Barangay Agsirab, Dumarao, Capiz matapos ang implementasyon sang search warrant nga ginpamunuan sang Provincial Intelligence Unit kag katapo sang Dumarao Municipal Police Station.
Ginkilala ang subject nga Kagawad nga si alyas “John”, 35-anyos kag residente sang nasambit nga barangay.
Suno kay PLT Russel Husmalaga, Public Information Officer sang Dumarao PNP, nakuha sa paghinakop sang amo nga opisyal sang Barangay ang isa (1) ka yunit sang 12-gauge shotgun nga loaded sang bala kag isa (1) ka yunit sang caliber .9mm pistol, mga magazine kag mga bala.
Ginpahayag pa sini nga ginpatigayon ang operasyon bangud sa reklamo nga nagapinalupok ang amo nga Kagawad.
Nagapabilin karon sa kustodiya sang kapulisan ang nasambit nga Barangay Kagawad kag natalana nga pasakaan sang nagakaigo nga kaso subong nga adlaw.
