ROXAS CITY – Nagparekord sa Roxas City Police Station ang isa ka 52-anyos nga barangay secretary matapos nga ginaalegar nga ginpahog kag gin-harass sa Barangay 9, Roxas City.
Ginkilala ang tagreklamo nga si Ma. Teresa Golbiogo sang nasambit nga lugar.
Base sa inisyal nga imbestigasyon sang mga kapulisan nga nagpadulong ang suspek nga si Alias Boy Doroteo sa barangay hall sang nasambit nga barangay kag ginpamangkot ang amo nga tagreklamo kun ngaman wala nakabaton ang iya nga iloy sang relief goods gikan sa ila nga barangay.
Magluwas diri, ginaalegar pa sang tagreklamo nga nagpadulong sa ila nga balay ang utod ni Alias Boy nga si Joel Doroteo kag ginhambalan pa ini sang malain nga mga tinaga kag ginpahog nga patyon.
Bangud sa natabo ginpakamaayo na lamang sang nasambit nga tagreklamo nga iparekord sa pulisya ang insidente.
