Kon diri sa aton sa Pilipinas, normal lang man nga makit-an natun ang isa katawo nga masandad kag sa baylo nga buligan ta ini mas ginauna pa nga kadlawan ta ini.
Apang didto sa Kuwait, nagbulagay ang mag-asawa matapos ang tatlo ka minutos nga ginhiwat ang ila kasal.
Suno sa istorya, ang mag-asawa ang nagpakasal sa isa ka korte sa Kuwait kag bag-o lang gindeklara nga mag-asawa.
Pagguwa nila sa pwertahan sang venue, nasandad ang bride.
Apang sa baylo nga buligan ini sang iya bana ginkadlawan niya lang ini kag gintawag pa nga “buang.”
Didto nag-ingit ang ulo sang iya asawa kag nagbalik sa sulod sang courthouse kag ginpangabay sini ang judge nga kanselahon ang ila kasal.
Nagpasugot man ang judge kag nagpaguwa sang divorce decree tatlo ka minutos pagkatapos sang ila nga kasal.
