Nagtaliwan na ang British boxer kag anay boxing world champion nga si Ricky Hatton sa edad nga 46.
Suno sa spokesperson sang Greater Manchester Police, iya ginpahayag nga nakabaton sila sang tawag nga ang boksingero patay na sa iya puluy-an sa Bowlace Road, Hyde, Tameside.
Wala naman sang ginpaguwa nga kabangdanan sang kamatayon sang boksingero ang mga otoridad.
Si Hatton, ang ginpangalanan nga “The Hitman,” kag nagdaug sang world tittles sa light welterweight kag welterweight class.
Matandaan nga si Hatton, naka-atubang na sa pila ka mga sikat nga boksingero sa kalibutan kaangay nanday Floyd Mayweather Jr., Manny Pacquiao kag Kostya Tszyu.
Sang tuig 2007, ginhatagan siya ni Mayweather sang iya una nga kapierdihan, pagkatapos nga may matinlo nga rekord nga 43 ka kadalag-an.
Sang nagretiro siya sang 2012, may matinlo siya nga rekord nga 45 ka daug kag tatlo ka kapierdihan.
Sang nagligad nga mga tinuig, wala niya ginpanghiwala ang iya pagkaadik sa ilimnon, droga kag depresyon.
Natalana kuntani nga magbalik ini sa boxing ring sa Disyembre agud makig-away kay Eisa Al Dah nga pagahiwaton sa Dubai sa Disyembre 2.
