Ginkumpirmar sang Commission on Elections (COMELEC) nga tingwaan sini nga madayon ang Barangay kag Sangguniang Kabataan Elections sa Nobyembre 2, 2026.
Suno kay Atty. Wil Arceño, Assistant Regional Director sang COMELEC Region 6, iya ginpahayag nga wala sang layi ukon opisyal nga deklarasyon nga naga-postpone sang eleksyon sa natalana nga adlaw.
Ginpahayag man sini nga sa paalabuton nga eleksyon, manual voting system ang pagagamiton imbes nga automated election nga ginamit sang nagligad nga mga piniliay.
Padayon naman ang preparasyon sang COMELEC agud masiguro nga matalunsay kag organisado nga pagpatigayon sang eleksyon.
Nagpanawagan man ini sa publiko nga magpabilin mabinantayon sa mga opisyal nga anunsyo sang ahensya kaangut sa paalabuton nga piniliay.
