-- ADVERTISEMENT --
Ginkalipay sang Bangko Sentral ng Pilipinas (BSP) ang pagkapasar sa Anti-Financial Account Scamming Act (AFASA).
Suno kay BSP Governor Eli Remolona Jr., ang nasambit nga batas ang magapakusog sa consumer protection kag makabulig sa pagsalig sang publiko sa Philippine financial system.
Ang tinutuyo sang Anti-Financial Account Scamming Act amo ang mabatuan ang cybercrimes kag maprotektahan ang interes sang financial consumers.
Sa idalom man sang nasambit nga layi, magabuliganay ang BSP, National Bureau of Investigation (NBI) kag Philippine National Police (PNP) agud mahatagan sang nagakaigo nga panumbungon ang magalapas sa mga ini.
