Gin-anunsyo sang Bangko Sentral ng Pilipinas (BSP) nga handa ini nga hugtan ang monetary policy agud makontrol ang inflation.
Suno kay BSP Governor Eli Remolona Jr., mahimo lauman ang sunod-sunod nga “modest” rate hikes bangud padayon nga nagataas ang presyo sang gatong kag iban pa nga mga balaklon.
Ang “modest rate hikes” ang nagatumod sa magagmay ukon amat-amat nga pagtaas sang interest, sa masami 0.25 % kada tikang agud amat-amat nga mahinay ang paggasto kag makontrol ang infaltion nga indi gilayon makaapekto sa ekonomiya.
Matandaan nga ginpataas sang BSP ang interest rate sa 4.5%, pinakauna nga pagtaas sa sulod sang masobra duha ka tuig.
Tinutuyo sini nga mapahinay ang paggasto agud mapunggan ang inflation, bisan pa may risgo sa paghinay sang ekonomiya.
Ginabulubanta nga magalab-ot sa 6.3% ang inflation subong nga tuig, masobra sa target nga 2% tubtub 4%.
