ROXAS CITY – Nagpahanumdum ang Administrative Services Officer III sang Bangko Sentral ng Pilipinas (BSP)-Roxas sa publiko sang mga tikang agud malikawan nga mabiktima sang peke nga kwarta.
Suno kay Kristine Del Rosario sang BSP-Roxas nga dapat sundon ang FLT ukon Feel, Look kag Tilt sang kwarta.
Kasunod ini sang mga napagkit nga mga insidente sa diin ginagamit sa transaksyon ang peke nga kwarta.
Suno kay Del Rosario, nagakadapat nga magaras ang kwarta sa baylo nga madanlog, may yara sang watermark, kitaon ang hitsura sang tawo sa blank space ukon sa puti nga bahin sang kwarta, kitaon ang corresponding amount kag ang security fibers.
Mahibaluan nga makita ang features kasubong sang itom nga broken line, indi repeated ang pattern kag sa likod nga bahin, makita man ang pangalan sang Bangko Sentral ng Pilipinas.
