Nagpaandam ang Bangko Sentral ng Pilipinas (BSP) nga ang padayon nga pagluya sang piso nga nagnubo na sa pinakamanubo nga balor sini ang mahimo liwat nga magpataas sang inflation.
Ini bisan pa nga ginalauman sang central bank nga magapabilin sa tunga sang 1.1 tubtob 1.9% ang inflation sang Nobyembre, nga yara sa gihapon sa idalom sang iya target nga 2-4%.
Suno sa BSP, ang pagsaka sang presyo sang kuryente kag langis, subong man ang epekto sang malain nga panahon sa presyo sang bugas, isda, kag prutas, nagtuga sang dugang nga pag-ipit sa presyo.
Suno sa mga ekonomista, dako ang epekto sang pagluya sang peso bangud madamo sang pagkaon kag petroleum products ang gina-import sang pungsod. Kon magluya ang piso, nagataas ang gasto sa mga import kag ginapasa sa mga konsumidor, nga mahimo makapadasig sang inflation.
Nagpaandam man ang mga eksperto nga mas malala pa ang epekto kon magapabilin nga maluya ang peso sa masunod nga mga binulan.
Apisar sini, ginpahayag ni BSP Governor Eli Remolona Jr nga kuntento siya sa subong nga year-to-date inflation nga 1.7%.
