Nagpahanumdom ang Bangko Sentral ng Pilipinas (BSP) sa mga local entities nga tubtob lamang sa katapusan sang Setyembre ang deadline sa pagsumite sang ila plano sa foreign borrowing plans para sa ikaapat nga quarter sang tuig.
Suno sa BSP, kinahanglan magsumite sang foreign borrowing plans ang entities nga nagaplano magkuha sang medium kag long-term loans halin sa mga foreign lenders.
Ginpahayag sang BSP nga importante ang amo nga mga plano agud mahibaluan ang kinahanglanon sang pungsod sa foreign funding kag masiguro nga masarangan sang Pilipinas ang pagbayad sang mga utang sa iban nga pungsod.
Dugang pa sang BSP, ang tanan nga foreign borrowings sang national government, mga ahensya sang gobyerno kag government financial institutions kinahanglan anay maaprubahan sang Monetary Board antes ini mapatuman.
